Lidhja Demokratike e Kosovës nuk pritet të marrë ndonjë veprim konkret me qëllim të kapërcimit të krizës politike. Kjo parti, e cila udhëheq me qeverinë për herë të parë pas luftës në Kosovë, është e kënaqur me faktin qe qeveria po funksionon në mënyrë normale, ndërsa nuk ka ide se si ta funksionalizojë Kuvendin.
Haki Rugova, nënkryetar i këtij subjekti, thotë se kjo parti nuk ka në plan të ndërmarrë ndonjë hap konkret për tejkalimin e krizës dhe se zgjidhja duhet të bëhet në kuadër të institucioneve.
“Nuk kam ide se cili është hapi i ardhshëm që do të ndermirët. Ajo që mund të them është se ne qëndrojmë në pozicionet institucionale dhe vazhdojmë të qëndrojmë në këto pozicione. Pra, do të vazhdohet në këtë forme. Koalicioni qeveritar nuk do të zgjerohet dhe nuk ka asnjë opsion tjetër”, ka thënë Rugova për Tribuna Channel.
LDK, sipas tij, do të ketë rol vendimtar edhe në të ardhmen duke shtuar se PDK nuk mund të ndërmarrë asnjë hap pa pasur një qëndrim të përbashkët më LDK-në.