Në javën e dytë të muajit prill do të nis në Prishtinë, pas një viti në ekzil në Tiranë, edicioni i tetë i festivalit të filmit të metrazhit të gjatë, PriFest, i cili bëhet e ditur se do të hapet me filmin e famshëm “Mediterranea”.
Filmi i regjisorit Jonas Carpignano, do të shfaqet në mbrëmjen gala të hapjes së PriFest-it, më 22 prill.
Ky festival rikthen edhe kinemanë e hapur në sheshin Zahir Pajaziti në Prishtinë, ku do të shfaqet “Mediterranea” edhe për publikun e gjerë që nuk kanë festa për festival, në të njëjtën kohë me hapjen e festivalit.
PriFest-i gjithashtu sivjet veçohet edhe me “Green Film Project” dhe me bashkëpunimin me shkollën amerikane në Kosovë, ASK.
Rikujtojmë se ky festival mbajti vitin e kaluar në ekzil në Tiranë edicionin e shtatë, sipas organizatorëve si pasojë e mos përkrahjes nga Ministria e Kulturës, Rinisë dhe Sportit në Kosovë.