Ish-kryebashkiaku tentoi të mbytej në rezervuar pas publikimit të videoskandalit Lidhur me çështjen ndaj Shukri Xhelilit, Drejtori i qendrës së kulturës në Dibër është rrëfyer se në tre muaj ish kryebashkiaku i ka sjellë katër femra në pozicione të ndryshme të punës.
Drejtori i qendrës së kulturës në Dibër, Veli Vraniçi, është një nga dëshmitarët e Prokurorisë së Krimeve të Rënda, në procesin gjyqësor që do zhvillohet kundër ish-kryebashkiakut të Dibrës Shukri Xhelili.
Në dëshminë e dhënë në Prokurori, ai ka rrëfyer se shtetasja A.A., është punësuar në dhjetëditëshin e tretë të muajit mars 2016, si magaziniere në qendrën kulturore të Dibrës.
Në dëshminë e tij, Veli Vraniçi tregon se në tre muajt e fundit me urdhër të Shukri Xhelilit janë punësuar në qendrën kulturore dhe katër femra si, A.A me detyrë magaziniere, S.V, punonjëse bibloteke, A.D, pastruese në muze dhe A.Sh., shkruan “Shqiptarja”. Vajza e skandalit ka treguar se i kanë dhënë një kamera të vogël të cilën sipas saj, ja kanë montuar në kuletën e saj.