23.9 C
Prizren
E premte, 4 Korrik, 2025

Vdes tenori i famshëm Spas Wenkoff

SpasWenkoff-tenorNjë prej tenorëve më të shquar të artit lirik të viteve ’70-’80, austriaku me origjinë bullgare, Spas Wenkoff, vdiq në moshën 84 vjeçare në rezidencën e tij në Bad Ischl, njoftoi sot një komunikatë e Operës së Vjenës.

I lindur më 23 shtator 1928 në Veliko Tarnovo të Bullgarisë, Spas Wenkoff filloi karrierën e tij të tenorit si këngëtar operetash gjatë viteve ’50 përpara se të fillonte punën në Operën e Dresdenit në ish-Republikën Demokratike të Gjermanisë në vitin 1975.

Ai u imponua ndërkombëtarisht në rolin e Tristanit, një prej roleve të tij të shumta nga operat e kompozitorit gjerman, Wagner.

Më pas ai u angazhua në festivalin vagnerian të Bajernit në Bavari, në Operën Metropolitane të Nju Jorkut, në Operat e Berlinit dhe Mynihut dhe, në fund, në Operën e Vjenës ku ai debutoi në vitin 1977 në rolin e Maksit në operën “Freischütz” të kompozitorit Carl-Maria von Weber. Dalja e tij e fundit në skenë ishte në Operën e Vjenës në 11 janar 1991.

Më Shumë

Hamdi Elezkurtaj – Themeluesi i SHKA “Emin Duraku” që e ktheu Zhurin në qendër të kulturës

Në një kohë kur kultura popullore ishte në rrezik të harresës, një burrë nga fshati Zhur i Prizrenit vendosi t’i përkushtohet ruajtjes dhe promovimit...

Albi Shpuza zyrtarisht pjesë e Prizrenit

Prizreni ka zyrtarizuar transferimin e mesfushorit Albi Shpuza, i cili i bashkohet skuadrës bardhekaltër si përforcim për edicionin e ri. “Nga talentet më të spikatura...

Lajmet e Fundit