Është publikuar program i festivalit “Albanian Film Week 2016”, që do të zhvillohet prej datës 16 deri më 20 shtator në New York. Programi përfshinë prezantimin e 25 filmave të kinematografisë shqiptare, film i gjatë, film i shkurtër dhe dokumentar.
Filmi i cili do ta hapë këtë edicion të 5-të të “Albania Film Week 2016”, është filmi “Crom” i regjisorit Bujar Alimani. Java e Filmit vazhdon me datën 17 shtator, datë kjo e cila është rezervuar për filmat: “A drop of blood”, nga Bekim Guri, “Red Fire” nga Jotti Ejlli, “Cheating for Papers” nga Valmir Tertini, “Besa e Kostandinit” nga Bashkim Myftari, “Vibracione në mesnatë” nga Anton Ndreca dhe “Zonjusha” nga Genc Berisha.
Data 18 do shfaqë filmat: “Buka” me regji të Blerta Kelmendit, “Capsule” nga Irid Kaso, “Cheers” nga Norika Sefa, “The Conversation” nga Gledis Bica, “Mëngë Këmishe” nga Suela Bako, “Humanisti i Heshtur” nga Merita Çoçoli, “Një zë nga Bukureshti” nga Leotrim Idrizi, “Nën Duvak “ nga Entela Hoxha, “One, two monologues” nga Blerina Goce, “Bota e Afrimit” nga Ben Apolloni.
19 shtatori do t’i sjellë filmat: “The War Waves” të regjisorit Ardit Sadiku, “Life on a Carousel” nga Elkjana Gjipali, “A tough day in NY” nga Sabri Pajaziti, “Miriam” nga Majlind Samadraxha, “Paftuar” nga Roland Uruci, “The Waite” nga Lee Percy dhe “Trapped By Law” nga regjisori Sami Mustafa. Ndërsa nata e fundit e festivalit “Albania Film Week”, do t’i kushtohet jetës dhe veprës së lavdishme të Nënës Terezë si dhe po këtë natë në ora 20:00 do të bëhet ndarja e çmimeve.
Gjatë javës së festivalit do të prezantohet kultura, tradita dhe turizmi në tokat shqiptare. Në natën përmbyllëse të festivalit do të ndahen çmimet për filmat më të mirë pjesëmarrës në kategori të ndryshme, kurse nata e fundit e festivalit do t’i kushtohet jetës dhe veprës së lavdishme të Nënës Terezë. Në këtë edicion festivali organizohet në bashkëpunim më Konsullatën e Përgjithshme të Kosovës në New York. /KultPlus.com