Këngëtari Bob Dylan, ka larguar nga websajti i tij fjalët se ai është “fitues i çmimit Nobel për Letërësi”.
Ky ishte edhe veprimi i tij i parë dhe shenja e parë që prej shpalles së tij si fitues të këtij çmimi prestigjioz, mirëpo Dylan e ka larguar nga websajti këtë mbishkrim, transmeton Klan Kosova.
Në websajtin e tij për shitjen e librit me tekste të këngëve të tij nga viti 1961 deri në vitin 2012 deri para pak momentesh ishte e vendosur mbishkrimi që ai është fitues i çmimit Nobel për Letërësi, mirëpo tani është larguar.
Disa persona heshtjen e Bob Dylan pasi fitoi çmimin Nobel për Letërsi e kanë quajtur drojë, të tjerët e kanë quajtur të përmbajtur kurse disa të tjerë si sjellje të keqe të tij.
Sekretarja e përhershme e akademisë Nobel, Sara Danius, kishte thënë të hënën se kishin bërë përpjekje të shumta për ta kontaktuar Dylan, duke përfshirë edhe email të tëra mirëpo nuk kanë mundur të kontakojnë me të.
Por ajo ishte shprehur se nuk brengoset nëse këngëtari do paraqitej në ceremoninë e ndarjes së çmimit, që mbahet më 10 nëntor në Stokholm.
“Mendoj që ai do të paraqitet. Nëse nuk do të vjen, ai thjeshtë nuk do të paraqitet. Por sidoqoftë do të organizohet një festë e madhe dhe nderi i takona tij”, është shprehur Danius.