Gjatë 24 orëve të fundit, vetëm në rajonin e Rahovecit, si pasojë e aksidenteve në komunikacionin rrugor janë lënduar gjashtë persona. Raporti i Policisë së Kosovës tregon se në fshatin Krushë e Vogël mbrëmë rreth orës 19:00, një i dyshuar ka goditur me minibus fëmiun i cili ka marrë lëndime në fytyrë dhe është dërguar për shërim në spitalin e Prizrenit.
Po ashtu në magjistralen Malishevë-Rahovec, dje është raportuar një aksident trafiku deri sa i dyshuari mashkull duke ngasur automjetin e tij në mënyrë të pa sigurt ka dalë jashtë rrugës. Si pasojë e aksidentit lëndime trupore kanë pësuar një mashkull dhe dy femra të cilët janë dërguar në spitalin e Gjakovës për tretman mjekësor.
Aksident trafiku ka ndodhur edhe në fshatin Gexhë të Rahovecit, ku raportohet se ka ndodhë një aksident trafiku në mes një kamioni dhe automjeti Audi 89. Si pasojë e aksidentit lëndime trupore kanë pësuar dy pasagjere femra të cilat janë dërguar për tretman mjekësorë.