Kryetari i Kuvendit të Kosovës, Jakup Krasniqi, ndonëse nuk e ka pranuar se qëndron prapa iniciativës qytetare që doli si pasojë e thyerjes që ka ndodhur brenda Partisë Demokratike të Kosovës (PDK), në komunat e Malishevës dhe te Drenasit, ai ka deklaruar se formimi i iniciativave qytetare janë shprehje e vullnetit të qytetarëve për të bërë ndryshime.
“Pa marrë parasysh se kam ose nuk kam ndonjë lidhje me iniciativat qytetare, unë do t’i mbështes ato kudo që ndodhen nëse kanë për qëllim për të përmirësuar qeverisjen, qoftë në nivelin – lokal qoftë në nivelin qendror”, ka shtuar Krasniqi.
Krasniqi ka folur edhe për zgjedhjet e 3 nëntorit dhe aplikimin e vetëm një liste të përfaqësueseve serb të veriut. Sipas Krasniqit çdo lëshim në veri të Kosovës me listat serbe në zgjedhjet lokale të 3 nëntorit, janë fajtorë ata të cilët kanë marrë pjesë në bisedimet për normalizimin e marrëdhënieve midis Prishtinës dhe Beogradit.