Pushimet dimërore në Francë për Owen Lewis kanë shkuar në mënyrën më të keqe të mundshme, pasi 22-vjeçari britanik shtë gjetur i vdekur.
Ai kishte shkuar për pushime dimërore në Alpet Franceze dhe kishte humbur kontaktet që prej datës 1.
Pas kërkimeve të gjata Owen është gjetur i ngrirë për vdekje nga një helikopter.
Dyshohet se 22-vjeçari ka humbur rrugën e resortit.
Një shok i Owen kishte lajmëruar në rrjetet sociale se miku i tyre kishte humbur që prej datës 1 janar 2018 dhe nëse dikush kishte informacion për vendndodhjen e tij të ndihmonte, duke shtuar se ky lajmërim nuk ishte një shaka.
Policia është shprehur se nuk ka asnjë pistë dyshimi për ndonjë vrasje, apo diçka tjetër përpos vdekjes nga i ftohti.
