Është shoqëruar në polici kreu i bashkisë së Lezhës, Fran Frrokaj dhe 23 persona të tjerë.
Frrokaj akuzohet për tjetërsim të pronave në Bashkinë e Lezhës, ndërsa dosja është hetuar nga Prokuroria e Krimeve të Rënda.
Gjithashtu, është arrestuar edhe nënkryetari i Bashkisë Enver Hafizaj si dhe zyrtarë të tjerë të bashkisë dhe hipotekave mbi të cilët rëndon e njëjta akuzë, ajo e tjetërsimit të pronave.
Mësohet se nga 23 urdhër arreste, janë ekzekutuar vetëm 8 prej tyre.
Të përfshirë në këtë skemë dyshohet se janë të përfshirë edhe punonjës të Prefekturës dhe Hipotekave.
Ende nuk janë bërë publike detaje të tjera në lidhje me këtë çështje.