Në Universitetin “Ukshin Hoti” në Prizren, të enjten është bërë promovimi i fjalorit enciklopedik shpjegues anglisht-italisht-shqip nga lëmi i ekonomisë i autorit nga Shqipëria, prof. Ilir Hoti, bëhet e ditur përmes një komunikate për media.
“Në promovimin e librit kanë marrë pjesë, ish-gruaja e profesorit të ndjerë Dhurata Hoti, profesoresha Brunilda Liçaj e Universitetit ‘Aleksandër Moisiu’ në Durrës, dekani i Fakultetit të Ekonomisë, prof. dr. Halil Kukaj dhe prof. dr. Artan Nimani, profesor në këtë fakultet dhe anëtar i Këshillit Drejtues të UPZ-së. Puna autorit të ndjerë, prof. Ilir Hoti në këtë fjalor u vlerësua lartë nga folësit në këtë promovim”, thuhet në komunikatë, transmeton Koha.net.
Me këtë rast, profesoresha Brunilda Liçaj dhe Dhurata Hoti kanë dhuruar një fond të caktuar të librave për UPZ-në.