Një lagje në fshatin Caparc të Komunës së Prizrenit ka dy ditë që është në terr të plotë.
Banorët e kësaj lagjeje jo vetëm që nuk kanë energji elektrike, por edhe janë të rrezikuar nga telat e rrymës, të cilët janë të shpërndarë shumë afër shtëpive.
Një lexues i Telegrafit, i cili ka dërguar disa fotografi, ka thënë se KEDS-i dhe Komuna e Prizrenit janë të njoftuar për shqetësimet e tyre dhe nuk kanë ndërmarrë asgjë.
Banorë thonë se shtylla elektrike e rrëzuar dhe telat në tokë, kanë bllokuar nëntë familje.
Ata i bëjnë apel komunës së Prizrenit dhe KEDS-it, që të ndërmarrin masa dhe të dërgojnë persona kompetent në këtë lagje, për ta rregulluar problemin.
