Kandidati i koalicionit AAK-LDD, për kryetar të Prizrenit, Lulzim Kabashi i shoqëruar nga kryetari i Degës së AAK, Fatmir Kastrati, ka prezantuar programin qeverisës para qytetarëve te fshatit Kabash të Hasit.
Ndërkaq, banorët e fshatit Kabash paraqiten problemet me të cilat ata ballafaqohen. Banorët e këtij fshati theksuan se me gjithë se janë bërë disa investime të vogla, ky fshat ka nevojë edhe për investime të tjera e që janë me rëndësi, duke përfshirë këtu investimet në sektorin e bujqësisë, rregullimin e rrugëve brenda fshatit si dhe punësimin e të rinjve.
Kabashi, theksoi se krejt këto kërkesa do të realizohen gjatë katër vjetorit të ardhshëm, si kryetar i ardhshëm i Prizrenit, pasi që edhe në programin qeverisës të tij si pikë kryesore është zhvillimi ekonomik, e përmes zhvillimit ekonomik parashihen edhe investime në sektorin e bujqësisë./PrizrenPress.com/