Deputeti i Partisë Demokratike të Kosovës, Nait Hasani në fjalimin e tij në seancën që është duke u mbajtur për ndalimin e lojërave të fatit, ka thënë që e ka një porosi nga vëllai i të vrarit në njërën nga kazinotë në Suharekë, njofton Gazeta Blic.
Ai tha që, polici i cili dyshohet të ketë vrarë Jetmir Aliajn, ishte i akuzuar për dhunime seksuale, dhe që poashtu ishte i shtrirë në Klinikën e Neurologjisë në Prishtinë, dhe që prapë i ishin besuar armët.“Kam një porosi nga vëllai i Jetmir Aliajt, ai më treguar se si polici Shefki Spahiu ishte i akuzuar për dhunime seksuale, policia e ka kthyer prapë në punë.
Ai ishte edhe i shtrirë në Klinikën e Neurologjisë në QKUK, dhe prapë është pranuar si polic dhe i është besuar arma. Po të ishte dënuar ai për dhunime seksuale nuk do të ndodhte vrasja, dhe një i sëmurë është lejuar të jetë pjesë e Policisë së Kosovës. Ky është problemi”, ka thënë Hasani, raporton Gazeta Blic.
Seanca për ndalimin e lojërave të fatit ka filluar rreth orës 16:00, shumica e deputetëve kanë thënë se të gjitha kazinotë duhet të mbyllën./Gazeta Blic./
/