Ish-deputeti i Lëvizjes Vetëvendosje, Arbër Rexhaj, kërkon nga qytetarët që në zgjedhjet e tetorit t’i ndëshkojnë partitë që shkatërruan jetën e tyre.
Sipas tij, vendit i duhet një ndryshim rrënjësor.
“Qytetarët duhet të votojnë për dy arsye, e para të dalin dhe t’i ndëshkojnë të gjitha partitë politike që ia kanë shkatërruar jetën qytetarëve me mos-zhvillim ekonomik, me korrupsion dhe krim të organizuar”, tha Rexhaj për “PrizenPress”.
“ Ta zgjedhin ndryshimin, jo vetëm si ndryshim politik, por duke e ditur se ky ndryshim është rrënjësor në lëmit e jetës që jetojmë”.
Rexhaj tha se në këto zgjedhje do të kërkojë mbështetjen e qytetarëve, me kokën lartë.
“Në legjislaturën e kaluar kam qenë deputet. Kam ngritur me dhjetëra shqetësime të qytetarëve”.
“I kam përfaqësuar denjësisht dhe me krenari ata të cilët më kanë besuar”.
“ Prizrenit ia kam sjell qindra mijëra euro në disa projekte”.
“Në këto zgjedhje e mbaj numrin 34 në listën e Lëvizjes VETËVENDOSJE! dhe ballëhapur e me shumë krenari do ta kërkoj sërish besimin e qytetarëve”.
“Nuk i kam zhgënjyer, dhe as nuk do t’i zhgënjej as për herë të dytë”.
“Me kokën lartë do të kërkoj mbështetjen nga qytetarët!”/PrizrenPress.com/