Kandidati i LDK-së për kryetar të Prizrenit, Eqrem Kryeziu, është takuar me elektoratin në fshatin Caparc.
Ai iu ka premtuar banorëve të këtij fshati se pas zgjedhjes së tij në krye të Komunës së Prizrenit, do t’ia zgjidhë të gjitha problemet me të cilat ballafaqohen.
Veterani i LDK –së në këtë fshat Bernard Oroshi, është ankuar para Kryeziut se pushteti aktual i Mujës, të gjitha invetsimet në këtë fshat i ka bërë vetëm për militantët e vetë. “Ata që nuk ishin me ta nuk gëzuan asnjë investim”
Kryetari i Nëndegës së LDK-së në Velezhë, Anton Tushi, ndërkaq tha se ky fshat në mënyrë masive do të votojë Eqrem Kryeziun për kryetar të Prizrenit./PrizrenPress.com/