Parlamenti Studentor i Universitetit “Ukshin Hoti” në Prizren ka përmbyllur aksionin e mbledhjes së gjërave ushqimore, mjeteve financiare dhe veshmbathjeve, për personat në nevojë të prekur nga tërmeti në Shqipëri.
“Duke respektuar organet më kompetente për këto çështje, ne këto ndihma të grumbulluara i dorëzuam në Forcën e Sigurisë së Kosovës, respektivisht në shoqatën “Jetimat e Ballkanit””, thuhet në njoftimin e Parlamentit Studentor të UPZ-së.
“Gjatë këtij aksioni simbolik u dëshmua edhe një herë zemërgjerësia dhe solidariteti i këtij populli fisnik”.
“Ajo që vlen të theksohet është fakti se studentët përsëri hoqën dorë nga të hollat e pakta, me të cilat sigurojnë ushqimin dhe udhëtimin ditor, për të kontribuar për vëllezërit dhe motrat e prekura nga tërmeti në Shqipëri”./PrizenPress.com/
