Kryetari i Partisë Demokratike të Kosovës, Kadri Veseli, ka reaguar pas incidentit të sontëm në Zhur të Prizrenit, ku nga një shpërthim mbeti i vrarë një pjesëtar i Policisë së Kosovës dhe dy të tjerë të plagosur.
Edhe një fëmijë ka pësuar lëndime në këtë incident.
Veseli u ka bërë thirrje organeve të rendit dhe të drejtësisë të angazhohen në zbardhjen e rastit.Ai i ka shprehur ngushëllime familjes së policit Sami Thaqi dhe është lutur që policët e plagosur të shërohen sa më shpejt dhe të kthehen në familjet e tyre.
Ky është reagimi i plotë i Kadri Veselit në Facebook:
“Me shqetësim të madh mora lajmin e shpërthimit të një eksplozivi në Zhur të Prizrenit dhe të humbjes së jetës në krye t? detyrës të policit Sami Thaçi. Shpreh ngushëllimet e mia më të thella për familjarët e tij dhe bëj thirrje që organet e rendit dhe drejtësisë të angazhohen sa më shpejt për të vënë sa më parë shkaktar?t para përgjegjësisë ligjore për të marrë dënimin e rëndë të merituar.
Askush nuk guxon që të sulmoj djemtë dhe vajzat tona në uniformë e kushdo që guxon ti sulmojë sikurse sot, ka për të marrë përgjigjen e fuqishme e të pakompromistë të ligjit! Nuk do gjejnë dot vend ku të fshihen! Lutem ndërkaq që policët e tjerë të lënduar të shërohen sa më shpejt e të kthehen sa më parë pranë familjeve të tyre.”
Policia e Prizrenit ka bërë të ditur më herët se nga një shpërthim në një shtëpi që ishte cak i bastisjes nga Policia kishin pësuar lëndime tre policë dhe një qytetar. Njëri prej policëve të plagosur ka vdekur.