Numri i të prekurve me koronavirus në Kosovë ka arritur në 125 persona ku 44 prej tyre janë duke u trajtuar në Klinikën Infektive në QKUK.
Sipas raportit të Klinikës Infektive, 35 nga këto raste janë në gjendje stabile, 8 kanë nevojë për oksigjenoterapi dhe përkujdesje intensive, kurse një paciente në kujdesin intensiv vazhdon të jetë në gjendje të rëndë dhe është në ventilim mekanik.
Sa i përket stafit të Klinikës Infektive, e testuar pozitiv me Covid -19 është edhe një infermiere e cila ka qenë në kontakt me 3 infermieret tjera të cilat janë infektuar me koronavirus.
“4 infermieret e infektuara janë në gjendje të mirë shëndetësore, prej të cilave tri janë të spitalizuara në klinikë ndërsa njera është e vetizoluar në shtëpi”, bëhet e ditur në raport, transmeton Klan Kosova