Fshati Korishë i Prizrenit, i cili është futur në karantinë, po përballet edhe me reduktime të energjisë elektrike, shkruan ‘PrizrenPress’.
Drejtori për Emergjenca dhe Siguri në Prizren, Faruk Dakaj, tha se reduktimet e rrymës vështirësojnë jetën e banorëve të këtij fshati.
“Fshati Korishë në Prizren, edhe pse gjendet në karantinë, KEDS nuk e çan kokën. Vetëm sot, është hera e dytë që fshati po përballet me reduktime të rrymës”, shkruan Dakaj.
“Reduktime ka pasur edhe gjatë ditëve tjera po në kohë karantine, kjo nuk është humane, përpos që është shumë e padrejtë. Nuk mundet të mbahet pastërtia në nivel në mungesë të rrymës”.
“KEDS duhet të japë përgjegjësi për këtë situatë të krijuar”.
“Institucionet qendrore duhet t’i kërkojnë llogari menaxhmentit të KEDS-it për këtë veprim, që nuk është hera e parë”.