(E plotësuar) Publicisti Adnan Abrashi është varrosur sot në varrezat e qytetit në Prizren.
Lideri i Vetëvendosjes Albin Kurti tha se Abrashi ka qenë një publicist i shquar i letrave shqipe. ”Jo vetëm Prizreni, por gjithë populli shqiptar ka humbur një publicist të shquar”, tha Kurti.
Ndërron jetë publicisti Adnan Abrashi
Ka ndërruar jetë publicisti i shquar shqiptar, Adnan Abrashi. Ai ishte njeri ndër publicistët më aktiv dhe më në zë kundër dukurive negative.
U lind në Prizren 1957 dhe me profesion ishte jurist i diplomuar. Ai bashkëpunoi me të gjitha mediet shqiptare, ku dha kontribut të madh në luftën kundër dukurive negative në shoqërinë tonë.
Njëherësh, publicisti Abrashi mbetet në kujtimet tona, si njeri me virtyte të larta njerëzore e kombëtare. Vdekja e z. Adnan Abrashi ka prekur zemrat e të gjithë shqiptarëve.
Vdekja e Abrashit është humbje e madhe për penën shqiptare, për familjen Abrashi dhe për gjithë kombin shqiptar.