Ka ndërruar jetë ish-kryetari i SHKA “Agimi” në Prizren, Subhi Pasuli.
Kryetari i Prizrenit, Mytaher Haskuka ka shprehur ngushëllime për familjen dhe miqtë e Pasulit.
Postimi i Haskukës
Sot Prizreni ka humbur një personalitet të dalluar që ka kontribuar shumë në zhvillimin ekonomik dhe shoqëror to qytetit tonë, z.Subhi Pasuli (1937-2020).
Pos punës së tij në zhvillimin ekonomik të qytetit si një ekonomist i dalluar, ai ka qenë edhe aktivist i dalluar i jetës kulturore, sportive dhe shoqërore.
Ndër aktivitetet e shumta në interesin publik ishte edhe detyra e tij kryetar i SHKA “Agimi” ku nga viti 1981 deri në vitin 2001. Më shumë se 20 vite si kryetar në periudhat më të vështira të kombit tonë ai kontribuoi në suskseset e kësaj shoqërie kulturore dhe artistike.
Si mirënjohje për kontributin e tij në sukseset e SHKA “Agimi” ai është ishte zgjedhur edhe si “Kryetar Nderi” i kësaj shoqërie.
Në emër të qytetarëve të Komunës së Prizrenit dhe në emrin tim personal dua të shpreh ngushëllime familjes, miqve dhe kolegëve të z.Subhi Pasuli!