Në fshatin Piranë të Prizrenit është arrestuar një person për posedim të substancave narkatike, raporton PrizrenPress.
Siç ka bërë të ditur Policia, gjatë kontrollimit fizik, tek i dyshuari është gjetur dhe konfiskuar 2.6 gram substancë narkotike, e llojit marihuanë.
Gjatë legjitimimit nga ana e njësitit policor, i dyshuari e kishte sulmuar njërin prej zyrtarëve policor dhe kishte arrit të largohet nga vendi i ngjarjes.
Viktima ka pranuar tretman mjekësor.
Sipas njoftimit të Policisë, i dyshuari është arrestuar dhe pas intervistimit me vendim të prokurorit është liruar në procedurë të rregullt.
Ngjarja ka ndodhur ditën e shtunë rreth orës 23:55./PrizrenPress.com/