Sepp Blatter, ish presidenti i FIFA-s nga viti 1998 deri në vitin 2015, është shtruar me urgjencë në spital, transmeton Insporti.
Blatter, i cili është 84 vjeçar, është shtruar në spital me një gjendje serioze por që besohet se është jashtë rrezikut për jetë.
Ish presidenti i FIFA-s, ka pasur viteve të fundit probleme me shëndet, dhe ishte edhe në kujdes intensiv në vitin 2015, kur sistemi imunitar i tij kishte kolapsuar.
Muaj më parë, Blatter konfirmoi për THE ATHLETIC, që ishte infektuar me Covid 19, por që ishte rikuperuar plotësisht nga virusi vdekjeprurës.