Një ndër objektivat e Ministrisë së Forcës së Sigurisë së Kosovës dhe prioritetet e komandantit të FSK-së për këtë trupë është që ajo të bëhet forcë e dukshme për qytetaret dhe komunitetet.
Në kuadër të këtij objektivi, FSK-ja ka realizuar shumë projektet civilo -ushtarake nga të cilat ka përfituar drejtpërdrejtë popullata, thotë për Radio Kosovën komandanti i FSK-së, gjenerallejtnant Kadri Kastrati.
Projektet civilo ushtarake në FSK kanë një rëndësi të vecant për Forcën. Komandanti Kadri Kastrati tha se në këtë kuadër FSK-ja ka ndërtuar rrugë për komunitete kryesisht nëpër vendet rurale. Sipas tij, FSK-ja ka ndërtuar 65 kilometra rrugë apo 17 rrugë për komunitet e kryesisht ku drejtpërdrejt përfiton popullata. Ai veçon urën e Rakovinës dhe atë të Manastrirt të Decanit.
”Kemi ndërtuar ura një për komunitetin serb në manastirin e Deçanit, po ashtu urën montuese në Rakovin, kemi ndërtuar edhe shkolla, kemi pastruar lumenj, që kjo neve na gëzon se FSK-ja çdo ditë eshte afër qytetarit”.
Forca e Sigurisë së Kosovës gjithashtu jep edhe asistencë mjekësore për serbët në Komunën e Istogut. Komandanti Kastrati thotë se mjekët e FSK-së bëjnë vizita mjekësore çdo dy javë nëpër fshatrat ku banon komuniteti serb.
”Çdo dy javë shkojnë pjestarët e Kompanisë së Mjeksisë bëjnë kontraolla mjekësore dhe ju ofrojnë barna…”
Ndërkaq tash me fillimin e stinës së dimrit FSK-ja do të fillojë ligjëratat nëpër shkolla për vetëdijësim nga minat.