37.8 C
Prizren
E premte, 19 Gusht, 2022

Miratohet plani hapësinor për Parkun Kombëtar ”Sharri”

ParkuKombetariSharritNë mbledhjen e radhës së qeverisë është aprovuar Plani Hapësinor të Parkut Kombëtar ”Sharri”, i sponsoruar nga Ministria e Mjedisit dhe Planifikimit Hapësinor. Në kuadër të Planit është paraparë dhe projekti zhvillimor i qendrës turistike ”Brezovica.

Parku Kombëtar ”Sharri” është njëra nga zonat më të bukura dhe më të vlerësuara natyrore të Kosovës, ku llojllojshmëria biologjike dhe pejsazhore janë karakteristike jo vetëm për Kosovën por edhe për rajonin dhe më gjerë.

Me qëllim të konservimit të kësaj bukurie dhe trashëgimie natyrore, MMPH përkatësisht Instituti për Planifikim Hapësinor kanë përfunduar hartimin e planit hapësinor, i cili në mënyrë të qartë përcakton kahjet e mbrojtjes dhe zhvillimit të qëndrueshëm të Parkut.

Ky plan do të ngritë kualitetin e mbrojtjes në të gjithë territorin e Parkut, dhe në anën tjetër do të ofrojë kushte për zhvillimin e kontrolluar në disa zona karakteristike.

Gjatë procesit të deritashëm janë mbajtur takime me sektorë të ndryshëm të Qeverisë së Kosovës, duke i harmonizuar politikat e të gjithë këtyre sektorëve që ndërlidhen me hapësirën e Parkut.

Gjithashtu, takime janë organizuar edhe me përfaqësuesit e qeverive lokale, siç janë ato të komunës së Prizrenit, Suharekës, Kaçanikut, Dragashit dhe komunës së Shtërpcës, në territoret e të cilave shtrihet dhe kufizohet Parku. Takime dhe konsulta janë mbajtur edhe me profesionistë të fushave të ndryshme dhe organizata që punojnë dhe veprojnë në Kosovë.

Më Shumë

Tejkaloi shpejtësinë në zonën urbane, prizrenasi gjobitet me 500 euro dhe i merret leja për një vit

Policia rrugore në Prizren, ka gjobitur me 500 euro dhe ia ka konfiskuar patentë shoferin, pasi në zonën 50km/h kishte lëvizur me shpejtësi 128km/h. “Me...

Mosmarrëveshje në aheng familjar në Prizren, një grua lëndohet me thikë

Policia e Kosovës ka njoftuar për një rast të lëndimit trupor në një aheng familjar në Prizren. Rasti ka ndodhur të hënën në Prizren, në...

Lajmet e Fundit