Në 24 orët e fundit në Kosovë nuk është raportuar ndonjë rast i vdekjes si pasojë e COVID-19, ndërsa janë regjistruar 23 raste të reja pozitive me koronavirus.
Rastet pozitive janë nga testimi i 2120 mostrave.
Gjashtë raste pozitive janë regjistruar në Mitrovicë, pesë në Prishtinë, nga dy në Pejë e Vushtrri, ndërsa nga një në Ferizaj, Fushë-Kosovë, Gjilan, Junik, Obiliq, Podujevë, Prizren e Shtime.
Në 24 orët e fundit janë shëruar edhe 130 pacientë.
Që nga fillimi i pandemisë në Kosovë janë regjistruar 107.405 raste pozitive me koronavirus, ndërsa prej tyre kanë përfunduar me fatalitet 2243. Janë shëruar 102.782 qytetarë, ndërsa janë 2380 raste aktive.