Kandidati për kryetar të Malishevës nga Nisma, Ekrem Kastrati, ka treguar për planet e tij për “Malishevën Urbane”.
“Do ta bëjmë urbanizimin e qytetit, i analizuar nga ekspertët tanë, që Malishevën për 30 vite e ardhshme do ta përgatisim për 40 mijë qytetarë, sepse dita e ditës qyteti i Malishevës po ka lëvizje të qytetarëve nga fshati në qytet”, tha Kastrati në Edicionin Zgjedhor.
“Ky projekt përfshin infrastrukturë nëntokësore, kanalizimet, rrjetin e ujit, rrjetin energjetik, rrjetin telefonik dhe të internetit, vazhdimin e rregullimit të shtratit të ujit si dhe rregullimin e parkut”.
Tutje, Kastrati pretendoi se fshatrat kanë qenë të pa asfaltuara, ndërsa tani janë 85 përqind të asfaltuar.
Kandidati po ashtu premtoi subvencione për blegtorinë, vreshtarinë dhe pemëtarinë.
Ndërkohë, për lehonat, Kastrati premtoi 150 deri në 200 euro në muaj.