Në qendër të Bolonjës është zbuluar një rrjet prostitucioni me vajza të reja shqiptare, ndaj së cilës Policia italiane e Shtetit ka kryer 11 masa paraprake.
Vajzat detyroheshin të prostituonin në zonën e Bolonzes midis rrugës Emilia, Anzola, Valsamoggia dhe apartamenteve në qendër.
Policia e Shtetit ka plotësuar 11 masat paraprake që i referohen veprave penale si; tentativë rrëmbimi, shfrytëzim dhe asistim të prostitucionit, dhunës seksuale dhe përndjekjes.
Hetimet, të koordinuara nga Prokuroria Publike e Bolonjës, zgjatën mbi një vit.
Marrësit e masës janë shtetas shqiptarë dhe italianë.
Tre apartamente në qendër të qytetit iu nënshtruan një konfiskimi parandalues.
Detaje të tjera mbi funksionimin e rrjetit do të jepen gjatë një konferencë për shtyp. /Albanianpost.com