Policia e Kosovës ka arrestuar dje një person në Prizren, i cili dyshohet se ka kryer veprën penale “dhunë në familje”.
I arrestuari dyshohet se derisa ka qenë në gjendje të dehur ka ushtruar dhunë ndaj bashkëshortes së tij.
Policia ka njoftuar se pas arrestimit, është kontrolluar shtëpia e tij.
Gjatë kontrollit, në shtëpinë e të dyshuarit është gjetur dhe konfiskuar një pushkë automatike, dy karikatorë, 8 fishekë dhe një granatë dore.
Me vendim të prokurorit, i dyshuari është dërguar në mbajtje.