Një vetaksident me fatalitet ka ndodhur ditën e sotme në fshatin Reqan të Prizrenit, në kilometrin e parë në drejtim të fshatit Lubinjë e Epërme.
Lajmin e ka konfirmuar Policia e Kosovës për Paparacin.
Në një përgjigje nga Policia, u tha se vetura ka humbur kontrollin duke mos u përshtatur me kushtet e rrugës dhe ka rënë në një lumë nga një lartësi rreth 30 metra.
Si pasojë e këtij vetaksidenti, ka vdekur pasagjeri i moshës rreth 70-vjeçare.
Ndërsa, shoferi është dërguar për tretman mjekësor dhe sipas mjekëve është në gjendje stabile.
“Të gjitha njësitet relevante kanë dalë në vendin e ngjarjes dhe po merren me rastin”, tha Vesel Gashi, zëdhënësi i PK-së në Rajonin e Prizrenit, për Paparacin.
