Me performancë publike të leximit nga Sheshi i Lidhjes deri te Universiteti “Ukshin Hoti” në Prizren, u shënua 23 Prilli – Dita Botërore e Librit dhe të drejtave të autorit, raporton PrizrenPress
Me iniciativë të Rrjetit të Organizatave Rinore – Prizren, u mblodhën shumë të rinj e të reja në mesin e tyre dhe studentë të Universitetit “Ukshin Hoti” Prizren, të cilët i mobilizojë Parlamenti Studentor.
Organizatorët theksuan se qëllimi i kësaj performance është të rrisin vetëdijen për rëndësinë e leximit dhe të shpërndajnë kulturën e leximit në qytetin e Prizrenit.
Me këtë rast u shkëmbyen libra mes pjesëmarrësve dhe një numër i librave ju dhurua Bibliotekës së Hapur në Kampusin e Universitetit “Ukshin Hoti” Prizren. /PrizrenPress.com/
