Agjenti i njohur i futbollit, Mino Raiola ka reaguar personalisht pas lajmeve për vdekjen e tij.
Mediat e ndryshme evropiane u ‘nguten’ duke raportuar për një vdekje të Raiolas në moshën 54-vjeçare.
E gjitha erdhi pas Raiola ka disa muaj i shtrirë në një spital në Milano, ku pati edhe një intervenim.
Megjithatë, tashmë kanë dalë përgënjeshtrime se lajmi për vdekjen e agjentit të njohur italo-holandez nuk është i vërtet.
Lajmin për vdekjen e 54-vjeçarit e kanë përgënjeshtruar nga spitali San Raffaelle në Milano, aty ku Raiola po qëndron nga janari, si dhe nga njerëzit e afërt të agjentit.
Tani, pasi lajmi mori bujën ka reaguar edhe vet Raiola me anë të profilit privat në rrjetin social Twitter.
“Gjendja aktuale shëndetësore për ata që interesohen: I mllefosur, për herë të dytë më kanë bërë të vdekur brenda 4 muajve. Duken gjithashtu se janë në gjendje të më ringjallur”, ka shkruar Raiola. /Telegrafi/