Qendra e qytetit të Prizrenit është vërshuar nga uji, pasi dyshohet se një gyp ka shpërthyer.
Kjo shihet në një video të siguruar nga Klankosova.tv, ku shihet se uji ecte në pjesën më të madhe të qendrës.
Në lidhje me këtë, ka folur edhe drejtori i KRU Hidroregjioni, Zenel Zenelaj, i cili tha se për 2-3 orë do të evitohet problemi.
“Është gyp i ujësjellësit. Është problem i zakonshëm që mund të ndodhë. Ekipi ka dalë në vendin e ngjarjes dhe për 2-3 orë evitohet problemi”, është shprehur Zenelaj, njofton Klankosova.tv.
Ndërsa, siç merr vesh Klankosova.tv, ekipi për sanimin e këtij problemi tashmë ka nisur punën.