Lidhja Demokratike e Kosovës (LDK) në Prizren ende nuk është përcaktuar për emrin e shefit të Grupit Parlamentar, që do të përfaqëson këshilltarët në Asamblenë Komunale.
Zëdhënësi i LDK-së, Nderim Gashi thotë se shefi i GP-së, do të emërohet pas mbledhjes së parë të Asamblesë. “Ende nuk e kemi caktuar, por besoj që pas mbledhjes së parë inaguruese të Asamblesë, Kryesia e LDK-së do të caktojë edhe shefin e GP-së”.
Kryetari i Komunës së Prizrenit, Ramadan Muja, do të jep betimin për mandatin e ri katërvjeçar me 24 dhjetor të këtij viti. Në të njëjtën seancë, betimin do ta japin edhe këshilltarët e Asamblesë Komunale, të cilët kanë fituar mandatin në zgjedhjet e 3 nëntorit./PrizrenPress.com/