Ambasadorët e Bashkimit Evropian sapo kanë miratuar tekstin për liberalizimin e vizave për Kosovën.
Ky hap është bërë para miratimit përfundimtar nga Këshilli i Bashkimit Evropian.
Këtë e ka bërë të ditur, njohësi i çështjeve Evropiane, Demush Shaha përmes një postimi në profilin e tij në rrjetin social Facebook.
“Ambasadoret e BE-së sapo vulosën liberalizimin e vizave për Kosovën. Ky është hap i fundit për këtë vit dhe hap i cili mbyll procedurën teknike për liberalizimin e vizave.
Në muajt e parë të vitit tjetër mbetet vetëm votimi formal në seancën plenare të Parlamentit Evropian dhe Këshillin për Punë të Brendshme”, ka shkruar ai./Front Online