Prishtina dhe Ballkani kanë ndarë pikët duke luajtur baras 2-2, të dielën në Lipjan në derbin e javës së 23-të të Superligës së Kosovës në futboll.
Dueli mes prishtinasve dhe kampionëve në fuqi të Kosovës, ka prodhuar një lojë të kënaqshme, me aksion të mira dhe katër gola të shënuara.
Skuadra e Ismet Munishit ishte afër fitores pasi ishte në avantazh prej 2-0, më një gol të Pllanës (51), dhe një goli të Krasniqit (61’).
Megjithatë, të besuarit e Ilir Dajës nuk u dorëzuan dhe në finish të ndeshjes ia dolën të shënojnë dy gola për të barazuar shifrat në 2-2.
Gripshi (80’) ngushtojë rezultatin 2-1, derisa Albion Rrahmani (90+8’) nga penalltia ia siguroi një pikë skuadrës nga Theranda, e cila kryeson tabelën me 49 pikë, dy më shumë së Drita, kurse, Prishtina renditet e katërta me 31 pikë të tubuara.
Ndërkaq, ndeshja tjetër e ditës së sotme mes Trepçës ’89 dhe Malishevës, është mbyllur pa gola, skuadra këto që mbesin në zonën e rrezikshme më nga 22 përkatësisht 24 pikë.