Mediat serbe kanë publikuar pamje të tre policëve kufitarë të Kosovës që janë kidnapuar nga forcat serbe.
Me të arritur në atë lokacion, njësitet asistuese kanë vërejtur vetëm veturën zyrtare, por jo edhe vetë zyrtarët policorë që kanë qenë me detyrë në atë lokacion.
Në drejtim të këtij lokacioni menjëherë kanë shkuar edhe njësite të tjera policore, si dhe janë informuar edhe institucionet tjera të sigurisë, duke përfshirë KFOR-in, pasi dyshohet se zyrtarët policorë janë kidnapuar nga forcat serbe.
“Me qëllim që të ndërmerren veprime konkrete për sigurinë e zyrtarëve policorë, që dyshohet të jenë kidnapuar nga forcat serbe, janë kontaktuar të gjithë mekanizmat vendorë dhe ndërkombëtarë që të njëjtit të lirohen sa më parë dhe të kthehen në Polici të Kosovës”, thuhet në njoftimin e Policisë së Kosovës. /Zëri
