Një nga çështjet që janë përmendur në konferencën për media pas mbledhjes së Qeverisë ka qenë edhe mungesa e punëtorëve në vend. Ministri i Financave, Hekuran Murati ka listuar shkaktarët e mundshëm të kësaj situate.
Sipas tij, njëra nga arsyet mund të jetë mospërputhja e asaj çka kërkohet në tregun e punës dhe aftësive që i zotërojnë punëkërkuesit. Por, ai s’ka kaluar pa përmendur edhe mungesën e kushteve të punës për punëtorë.
“Për shumë biznese marzha e profitit është rritur, sidomos në vitet e fundit, e them të konfirmuar nga të dhënat. Duhet të rriten pagat e punëtorëve. Kemi bërë thirrje disa herë si Qeveri, kemi pasur edhe masa mbështetëse për rritje të pagave. Po insistojmë në mënyrë efikase të rrisin pagat. Nëse e bëjmë 265 euro pagën minimale, atëherë bizneset do ta kenë si prag këtë”, ka thënë Murati.