Tre persona të dyshuar për vjedhjen e 5 mijë eurove, në muajin shkurt në Mamushë janë identifikuar dhe arrestuar nga policia.
Sinjali mëson se bëhet fjalë për C.M., A.M. dhe G.M., të cilët janë zbuluar pas ndërmarrjes së veprimeve hetimore nga policia dhe si rezultat është lokalizuar vendndodhja e tyre, ku edhe janë kapur.
Të njëjtit janë shoqëruar në stacion policor për intervistim, ku kanë dhënë deklaratat e tyre në lidhje me veprën për të cilën ngarkohen.
Pas përfundimit të procedurave policore, Prokurori i Shtetit, ka urdhëruar nisjen e hetimeve ndaj tyre dhe dorëzimin e kallëzimit penal.