Prokurori i Shtetit ka njoftuar opinionin publik se gjatë 24 orëve të fundit nga prokuroritë themelore janë ngritur gjashtëdhjeteshtatë aktakuza kundër tetëdhjetedy personave, për vepra të ndryshme penale.
Po ashtu, me urdhër të Prokurorit të Shtetit, për 48 orë janë ndaluar tetëmbëdhjetë persona, si dhe janë bërë dy kërkesa për caktimin e paraburgimit për dy persona të dyshuar.
Prokuroria Themelore në Prishtinë: Me urdhër të prokurorit ka ndaluar njëmbëdhjetë persona, ka paraqitur një kërkesë për caktimin e masës së paraburgimit ndaj një personi, si dhe ka ngritur dyzet aktakuza kundër dyzetetetë personave për vepra të ndryshme penale.
Asociation “Loyola-Gymnasium” shpall konkurs për një mësimdhënës/e të lëndës së matematikës
Prokuroria Themelore në Prizren: Me urdhër të prokurorit ka ndaluar për 48 orë, një person të dyshuar, si dhe ka ngritur ngritur dymbëdhjetë aktakuza kundër trembëdhjetë personave, vepra të ndryshme penale.
Prokuroria Themelore në Pejë: Gjatë 24 orëve të fundit ka ndaluar tre persona nën dyshimin se kanë kryer vepra të ndryshme penale, ka parashtruar një kërkesë për caktimin e masës se paraburgimit dhe ka ngritur gjashtë aktakuza kundër dymbëdhjetë personave.
Prokuroria Themelore në Gjilan: Ka ngritur gjashtë aktakuza kundër gjashtë personave, për vepra të ndryshme penale.
Prokuroria Themelore në Gjakovë: Gjatë 24 orëve të fundit, me urdhër të prokurorit kujdestar, janë ndaluar tre persona në kohëzgjatje prej 48 orësh për kryerjen e veprave të ndryshme penale.
Prokuroria Themelore në Mitrovicë: Ka ngritur dy aktakuza kundër dy personave, për vepra të ndryshme penale.
Prokuroria Themelore në Ferizaj: Ka ngritur një aktakuzë kundër një personi.