Është e vështirë të mendohet dhe pothuajse më e vështirë të thuhet, por Manchester City i Pep Guardiola-s po kalon një nga momentet më të këqija që nga ardhja e tij. Kjo e reflektuar në nivel rezultatesh, me katër ndeshje radhazi pa fitore në Premier League dhe në nivel loje, ndonëse është ende pranë liderit Arsenal, i cili ka 6 pikë më shumë.
Skuadra e “qytetarëve” kishte ardhur me problematika, por humbja ndaj Aston Villa-s shkoi një hap më tej.
Unai Emery e “hëngri” rivalin e tij në të gjitha aspektet. Me një qasje të guximshme dhe presion agresiv e të rrezikshëm, ekipi nga Birminghami sundoi të gjithë duelin dhe fitorja ishte e drejtë duke marrë parasysh atë që pamë. Dhe sikur të mos mjaftonte, ata ia rrëmbyen vendin e tretë.
Loja ishte aq e keqe sa u thyen disa rekorde negative. Në nivel klubesh, Manchester City e përfundoi duelin duke bërë vetëm dy goditje në portë dhe një goditje jashtë portës, të gjitha në pjesën e parë, që do të thotë se ata nuk arritën asgjë në të dytën.
Kjo është një statistikë që nuk i kishte ndodhur skuadrës që nga viti 2007, kur ende nuk ishte blerë nga sheikët e Emirateve të Bashkuara Arabe. Dhe jo vetëm kaq, por u bë loja me më pak goditje në më shumë se 20 vjet.
Nuk u ndal me kaq, sepse një rekord negativ u thye edhe për Pep Guardiola-n. Katalanasi është karakterizuar gjithmonë duke propozuar futboll sulmues dhe kontrollues. Akoma më i theksuar që nga ardhja e tij në Premier League. Kjo është arsyeja pse skuadra e tij nuk pritej të gjuante vetëm tre herë, diçka që nuk i kishte ndodhur në 535 ndeshjet që ka drejtuar në të gjithë karrierën e tij në pesë ligat kryesore.
AlbanianPost.com