Procesi i regjistrimit të popullsisë është bërë edhe më i lehtë për banorët e Prizrenit.
Koordinatori i komisionit komunal për regjistrimin e popullsisë, Haxhi Seferqaj, ka bërë të ditur se regjistrimi mund të bëhet tashmë në dy zyra të rëndësishme të komunës: Shtëpinë e Bardhë dhe Administratën Komunale.
Të gjithë qytetarët kanë mundësinë për të iu nënshtruar këtij procesi të rëndësishëm në këto dy objekte komunale. Përfundimi i këtij procesi është planifikuar për datën 17 maj, dhe është obligim për çdo qytetar të regjistrohet.
https://www.facebook.com/PrizrenPress/videos/776367217955014
Seferqaj theksoi se procesi po shkon mirë dhe pritet që të përfundojë në këtë javë në të gjitha komunat e Kosovës.
Ai bëri thirrje për të gjithë ata që ende nuk janë regjistruar që të përmbushin obligimin e tyre ligjor.
Në Prizren, deri më tani janë regjistruar rreth 100 mijë qytetarë, duke treguar një përqendrim të mirë të pjesëmarrjes nga komuniteti.
“Kjo është një mundësi për të gjithë banorët e Prizrenit për të qenë pjesë e procesit të rëndësishëm të regjistrimit të popullsisë”, tha ai. / tv Prizreni/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
