Kryetari i Malishevës, Ragip Begaj, ka pritur sot në zyrën tij kapitenin zviceran të KFOR-it,Patric Masshardt.Begaj e Masshardt në këtë takim kanë biseduar për arritjen e një bashkëpunimi të ndërsjellë në fushën e sigurisë, si dhe për aspekte tjera të përgjithshme.
Kryetari Begaj, uroi ushtarakët e KFOR-it, për misionin e tyre në Kosovë dhe vlerësoi lartë punën e KFOR-it në Kosovë, si dhe bashkëpunimin me njësinë e KFOR-it, LMT në Malishevë.
Ai po ashtu njoftoi Patric Masshardt me rrjedhat e përgjithshme në Malishevë,dhe problemet me të cilat përballet kjo Komunë.
Gjendja sigurisë së përgjithshme, si nga ana e LMT-së, ashtu edhe nga kryetari Begaj, u vlerësua e qetë dhe pa incidente të cilat mund ta prishin sigurinë e përgjithshme në Komunën e Malishevës./PrizrenPress.com/