Kryetari i Komunës së Prizrenit, Shaqir Totaj, priti sot përfaqësuesit e Agjencisë Amerikane për Mbrojtjen e Mjedisit (US Environmental Protection Agency) dhe Korpusit të Paqes.
Ky takim shënon fillimin e një bashkëpunimi të ri, ku vullnetarët e Korpusit të Paqes, që veprojnë në Kosovë, Shqipëri, Maqedoni të Veriut dhe Mal të Zi, do të trajnohen në fushën e mbrojtjes së mjedisit dhe ndryshimeve klimatike.
Në këtë program, vullnetarët do të kenë mundësinë të implementojnë projekte që kontribuojnë në ruajtjen e ambientit, të mbështetur financiarisht nga US EPA. Gjatë diskutimeve për mundësitë e bashkëpunimit, Kryetari Totaj theksoi angazhimin e Komunës së Prizrenit për të mbështetur të gjitha iniciativat që synojnë mbrojtjen e mjedisit dhe krijimin e një ambienti të shëndetshëm për të gjithë qytetarët.
Kryetari Totaj u zotua se, përveç përpjekjeve të vazhdueshme për zhvillimin e Prizrenit të Gjelbër, komuna do të mbështesë çdo iniciativë që kontribuon në përmirësimin e kushteve ambientale dhe zhvillimin e projekteve të qëndrueshme.
Marketing