Prokuroria Themelore në Prizren, Departamenti i Përgjithshëm, ka urdhëruar ndalimin e gjashtë personave të dyshuar për vepra të ndryshme penale.
Tre nga këta individë janë ndaluar për veprën penale “Fajdeja”, një person për “Mashtrimi” dhe “Kanosja”, si dhe një tjetër për “Kanosja” dhe “Mbajtja në pronësi, kontroll ose posedim të paautorizuar të armëve”.
Përjetoni pushime të paharruar dhe dasma magjike në Hotel “Albes Residence”
Po ashtu, nga Departamenti i Krimeve të Rënda, është ndaluar një person i mitur për 24 orë për shkak të veprës penale “Tentim dhunimi” sipas Kodit Penal të Republikës së Kosovës.
Në lidhje me masat e tjera ligjore, Departamenti i Përgjithshëm ka parashtruar dy kërkesa për caktimin e paraburgimit kundër dy personave. Një kërkesë është bërë për një individ të dyshuar për veprat penale “Mashtrimi” dhe “Kanosja”, ndërsa një tjetër për veprën penale “Sulmi”.
Nga ana tjetër, Departamenti për të Mitur ka parashtruar një kërkesë për caktimin e masës së paraburgimit kundër një të mituri për veprën penale “Tentim dhunimi”.
Prokuroria Themelore në Prizren gjithashtu ka ngritur tri aktakuza kundër pesë personave për veprat penale të mëposhtme: një aktakuzë kundër tre personave për “Vjedhja e rëndë” dhe “Blerja, pranimi ose fshehja e sendeve të përfituara me kryerjen e veprës penale”; një aktakuzë kundër një personi për “Vjedhja e rëndë”; dhe një aktakuzë kundër një tjetër për “Lëndimi i lehtë trupor”.
