Nxënësit e gjimnazit “Gjon Buzuku” në Prizren kanë realizuar një vizitë në gjimnazin “Pertevniyal Lisesi” në Turqi.
Kjo vizitë është realizuar në kuadër të binjakëzimit të dy shkollave.
“Si pjesë e aktiviteteve tona të vazhdueshme, Gjimnazi ‘Gjon Buzuku’ ka realizuar një bashkëpunim të rëndësishëm përmes binjakëzimit me Gjimnazin ‘Pertevniyal Lisesi’. Ky binjakëzim është një mundësi e shkëlqyer për shkëmbimin e kulturave, metodave të procesit mësimor dhe vizitave në vende me rëndësi artistiko-kulturore,” njofton gjimnazi “Gjon Buzuku” në Prizren.
“Gjatë vizitës së nxënësve dhe stafit të gjimnazit tonë në Gjimnazin ‘Pertevniyal Lisesi’ janë zhvilluar disa aktivitete të veçanta, duke përfshirë: vizitën në ambientet e gjimnazit, shetitjen nëpër laboratorët dhe njohjen me mbarëvajtjen e procesit mësimor. U zhvilluan vizita në disa prej vendeve më të njohura të qytetit të Stambollit, si Xhamia ‘Aya Sofya’, Xhamia e Sulltan Ahmetit, Qarshija e Mbyllur (Kapali Çarshia), Kështjella Topkapi (Topkapi Saray?) dhe shetitja përgjatë Bosforit (Bo?az Turu). Nxënësit patën mundësinë që të vizitojnë Universitetin e Stambollit, i cili është universiteti më i vjetër në Republikën e Turqisë.”
“Për të shënuar përfundimin e vizitës, Gjimnazi ‘Pertevniyal Lises’ organizoi një program artistiko-kulturor, në të cilin nxënësi ynë Andi Mashkulli, kryetar i Këshillit të Nxënësve, performoi pjesën ‘Passacaglia’ të Handelit në piano.”/PP/
Marketing
Përjetoni pushime të paharruar dhe dasma magjike në Hotel “Albes Residence”
https://prizrenpress.com/eli-edona-mobilieria-me-oferta-me-te-mira-ne-prizren/
