Një aksident tragjik ka ndodhur mbrëmjen e së hënës në autostradën “Ibrahim Rugova”, ku dy persona humbën jetën dhe tre të tjerë kanë marrë lëndime trupore.
Sipas raportit 24 orësh të Policisë së Kosovës bëhet e ditur se në aksident kanë qenë të përfshira dy vetura dhe një kamion.
“Autostrada ‘Dr. Ibrahim Rugova’ Prizren jug KM13 / 21.10.2024 – 18:40. Ka ndodhur aksident trafiku në mes dy veturave dhe një kamioni, ku si pasojë dy meshkuj kosovarë kanë vdekur, po ashtu janë lënduar edhe tre meshkuj kosovarë”, thuhet në raport.
Ndërkaq, siç thuhet në raport me vendim të prokurorit trupat e pajetë janë dërguar në IML për obduksion. Rasti është duke u hetuar.
Marketing
Përjetoni pushime të paharruar dhe dasma magjike në Hotel “Albes Residence”
