Latifi nderon infermieren Esmiralda Sefaj për shpëtimin e jetës së një nxënëseje

Kryetari i Komunës së Rahovecit, Smajl Latifi, ka nderuar me mirënjohje infermieren Esmiralda Sefaj për profesionalizmin dhe humanizmin e treguar gjatë ndërhyrjes për shpëtimin e jetës së një nxënëseje nga fshati Fortesë.

Në ceremoninë e mbajtur në zyrën e tij, Latifi mirëpriti Drejtorin e Policisë Rajonale në Gjakovë, Kolonel Lumni Graishta, Komandantin e Stacionit Policor në Rahovec, Kapiten Fazli Morina, togerin Anton Pnishi dhe infermieren Esmiralda Sefaj.

“Pata nderin të mirëpres në zyrën time Drejtorin e Policisë Rajonale në Gjakovë, Kolonel Lumni Graishta, Komandantin e Stacionit Policor në Rahovec, Kapitenin Fazli Morina, togerin Anton Pnishi dhe infermieren Znj. Esmiralda Sefaj. Me këtë rast, i dhashë znj. Esmiralda Sefaj një mirënjohje me motivacionin: ‘Për profesionalizmin dhe humanizmin e treguar gjatë ndërhyrjes për shpëtimin e jetës së nxënëses nga fshati Fortesë, si dëshmi e një vlere të lartë njerëzore dhe si shembull frymëzues për shoqërinë tonë’”, u shpreh Latifi.

Ai falënderoi sinqerisht znj. Sefaj për këtë akt humanizmi, duke e cilësuar si një shembull të lartë për komunitetin dhe profesionistët e kujdesit shëndetësor./PrizrenPress.com/

Marketing

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri