Të martën, është shënuar përvjetori i 26-të i njërës nga betejat më të lavdishme të UÇK-së në komunën e Prizrenit, asaj të Jeshkovës.
Mëngjesin e 11 marsit të vitit 1999 makineria vrastare serbe ia kishte mësyrë Jeshkovës së Vërrinit, ku ndodheshin rreth 30 pjesëtarë të njësisë speciale të brigadës 125 të ZOP-it, të cilës i printe komandant, Hysen Rexhepi. Në një luftë të pabarabartë karshi mijëra forcave serbe dhe makinerisë luftarake, atë ditë për të mos vdekur kurrë ranë 21 dëshmorë.
Aktivitetet për shënimin e 26 vjetorit të betejës së lavdishme të Jeshkovës, kanë filluar me homazhe në Landovicë ku moren pjesë familjarë të dëshmorëve,veteranë e invalidë të luftës, qytetarë e përfaqësues të institucioneve te ndryshme.. Nënat e heronjve të Kosovës, Bashkim Suka e Hysen Rexhepi, Halimja dhe Farija, kishin mall në këtë ditë të veçantë për ato, por edhe krenare që lirisë së Kosovës ia falen bijtë e tyre të shtrenjtë. Pas Landovicës, homazhet vijuan para lapidarit të të rënëve në Jeshkovë.
Nënkryetari i komunës, Kujtim Gashi , tha se sot po përkujtojmë një ndër betejat më të lavdishme të UÇK-së në Jeshkovë, lokalitet ky i cili i kontribuoi shumë luftës çlirimtare.
Kryetari I degës së OVL të UÇK- në Prizren, Isa Berisha, tha se në betejën e 11 marsit, luftëtarët trima të UÇK-së në Jeshkovë, zhvilluan një betejë titanike për jetë e vdekje me forcat shumëfish më të mëdha të armikut gjakatar.
Në betejën e Jeshkovës së 11 Marsit të vitit 1999 ranë në fushën e nderit 21 dëshmorë, 10 nga të cilët prehen së bashku me taborrin e luftëtarëve të nderit në Landovicë, kurse 11 të tjerë kanë vetëm emër ,por jo edhe një varr ku mund të iu bëhen nderimet e ditëve përkujtimore.TV Prizreni
